Aktualaĵoj

la 98a eldono de Venezuela Stelo estas elŝultebla

Niaj karaj samlingvanoj, vi povas legi kaj ĝui nian novan eldono de la revuo Venezuela Stelo. Tie vi povas legi pri la 11a Venezuela Esperanto-Rekontiĝo kaj aliaj bonaj novaĵoj. goo.gl/Ffm4tGn/a

Asembleo 2016

Venezuela Esperanto-Asocio invitas al siaj membroj kaj amikoj al la Asembleo okazonta en la domo de la familio Miranda, je la 20a de novembro. Oni donos informojn pri niaj agadoj, projektoj kaj financa bilanco, ankaŭ decidos pri la nova kotizo. Kontaktu:

n/a

Venezuela Esperanto-Asocio aktualigas sian retadreson kaj sociajn retojn

Ekde nun, la retadreso de Venezuela Esperanto-Asocio estas:

kaj vi povas trovi nin pere de #EsperantoVE kaj en instagram: esperantove twitter: @EsperantoVE LinkendIn EsperantoVE n/a

Esperanto Fácil, kurso por hispanoparolantoj ekde Venezuelo

La 19an de Septembro 2015, aperis la kurso
“Esperanto Fácil” ĉe Youtube, farita de Isaac
Santiago. Post kvar monatoj jam estas
alŝutitaj la unuaj 10 lecionoj kaj mankas
proksimume aliaj 5 lecionoj. Ekde la sesa,
ĉiu leciono havas specialan invititon, ĝis nun
partoprenis Soraya Álvarez de Argentino,
Flama Floro de Vjetnamio, Olga Shiliaeva de
Rusio, Pradip Guimire de Nepalo kaj Namir
Rodríguez de Dominika Respubliko. Jezer
Dorante de Venezuelo ankaŭ helpis per la
plibonigado de la sono.
Tiu ĉi kurso distingiĝas ĉar ĝi komenciĝas
ekde la parto plej simila al la hispana kaj pro
tio en la unuaj lecionoj oni ne bezonas lerni
pri fonetiko aŭ ortografio. Krome en ĉi tiu
kurso, kontraste kun multaj aliaj esperantaj
kursoj, ne komenciĝas de la instruado de la
tutan fonetikon en la unua leciono, fakte en
la unuaj 10 lecionoj, restas ankoraŭ instrui tri
fonemojn (ĥ, ĵ kaj z).
Ankaŭ la kurso havas la avantaĝon ke ĉio
estas klarigita per aŭdo, kontraste kun multaj
aliaj kursoj kiuj nur havas aŭdon en la
esperanta parto.
Esperanto Fácil, nova esperanto-kurso ĉe Youtube
Asembleo
Dum kvar monatoj la videoj jam havas pli ol 2000
vizitojn de 43 landoj, la landoj kiuj havas pli da vizitoj
estas Argentino, Meksiko, Venezuelo, Hispanio kaj
Kolombio.
La ligilo de la unua leciono estas:
https://www.youtube.com/watch?v=6WI42Tyvx8Qn/a

Feliĉan Novan Jaron!

ESTIMATAJ VEA-ANOJ KAJ GEAMIKOJ
 
Nia estraro deziras al vi FELIĈAN KAJ SUKCESOPLENAN NOVAN JARON. Fakte estas ke 2016 estos jaro plena de ŝancoj por preterpasi barilojn, ŝancoj por plifortigi nian komunumon, ŝancoj por ĝui niajn interŝanĝon. DANKON PRO VIA APOGO, ĉar vi donas vian helpon al nia granda familio.
 
Venezuela Esperanto-Asocio

www.esperanto-venezuela.org
@esperantove
https://www.facebook.com/esperantove n/a

Zamenhofa tago 2015

Zamenhofa tago
Venezuela Esperanto-Asocio organizos Zamenhofan Tagon dum la 13ª de novembro ĉijare en nia sidejo, horo: 11ª atm. Alportu laŭ via volo.
n/a

La JarAsembleo okazis hodiaŭ

La Asembleo de Venezuela Esperanto-Asocio aprobis hodiaŭ 29ª de novembro 2015 la jenon:
Aprobis la financan raporton kaj la agadraporton.
Nova estaro estas la jenan:
Prezidanto: Ricardo Coutinho
Viceprezidanto: Juan Miranda
Sekretariino: Elsa Angulo
Kasististino: Elizabeth Miranda
Delegitino pri Publikigado kaj Informado: Nancy Aquino.
La nova jarkotizo estas: 1400 po monato ĝis junio, en junio la estaro taksos la tiaman financan situación kaj decidos eblan ŝanĝon de la monsumo.
n/a

La 1a Kongreso Venezuela de Esperanto jam havas sian propran blogon

Kiel kelkaj el vi, oni scias ke la 1a Kongreso Venezuela de Esperanto okazos en la anda urbo Merido dum la fino de aŭgusto 2016. Tie aperas detaloj kiel: Ĉefa temo, provizora pogramo, ekskursoj, aferoj rilate al loko, manĝaĵoj, kiel eniri tiu urbo. Jen la ligilo: http://esperantovenezuela.weebly.com/1a-vek-2016.html n/a

Kurso de Esperanto por Komencantoj ekkomencis hieraŭ

La Kurso de Esperanto por Komencantoj per whasap jam komencis hieraŭ, malgraŭ tio ankoraŭ mi havas ŝancon eniri. Bonvolu aliĝi skribante al 04149016111n/a

La krizo de Obama pro Venezuelo

Jen laboro de Esperantisma Centro por Sociesplorado, sekcio de Venezuela Esperanto-Asocio, la originala fonto estas en la blogo:
http://sociesploradoecs.blogspot.com/2015/03/la-krizo-de-obama-pro-venezuelo.html?spref=fb

La krizo de Obama pro Venezuelo

La prezidento de Usono, Barack Obama, emisiis ĉilunde prezidentan ordonon deklarantan je "nacia krizo" lialande, pro konsideri la situacion de Venezuelo kiel "minacon neoftan kaj eksterordinaran kontraŭ la nacia sekureco kaj eksterlanda politiko de Usono". Ĉi tiel Barack Obama estas iginte oficiale Venezuelon minaco je nacisekureco, kaj kiel unuan "respondan" aranĝon establis punojn kontraŭ kelkaj funkciuloj de la venezuela ŝtato.

La ekzekucia ago ordonas nuligon je vizoj kaj haltigon je aktivoj en usona teritorio de sep armeaj kaj policaj funkciuloj venezuelaj. Krom tio, ĝi malpermesas al la usonaj civitanoj realigi negocojn kun la punitoj. La Blanka Domo diris ke ĉi serio da sankcioj ekskluzivas la venezuelan popolon kaj ĉian komercrilaton kun tiu nacio, ĉar ili specife direktiĝas kontraŭ ŝtatoficistoj de Venezuelo kulpigitaj de Usono malrespekti homajn rajtojn.

"La venezuelaj ŝtatoficistoj kiuj estis aŭ estas malobservantaj la homajn rajtojn de la venezuelaj civitanoj, kaj kompromititaj en koruptagoj ŝtataj ne estos akceptitaj ĉi tie, kaj nun ni havas la ilojn por bloki iliajn aktivojn kaj uzon je la financsistemo usona"; diris Josh Earnest, parolisto de la Blanka Domo. "Ni estas profunde maltrankviligitaj de la penoj de la venezuela registaro intensigi ties timigadon kontraŭ ties politikaj opoziciuloj. La problemoj de Venezuelo ne povas esti solvitaj kriminaligante la malkonsentantojn", komunikis la parolisto.

La fiselektema moralo de la registaroj de Usono

Sukcesa Asembleo

Sukcesan Asembleo!

La jara asembleo de Venezuela Esperanto-Asocio plenplene sukcesis, dum tiu aranĝo oni montris la resumon de niaj agadoj dum la pasinta jaro kaj la financan bilancon, aldone tio oni montris la projektojn por disvastigo de esperanto, kursoj kaj monrikoltoj.

Oni oficiale kreis la Centron Esperantistan por Socia Esploro, ĉi tiu sekcio de la asocio estas diversofaka teamo kiu klopodas serĉi kaj kompreni kial kaj kiel oni povus enkonduki esperanton en la socia vivo; la gvidanto estas la sinjoro Spirajn Senprentend, en ĝi estas filmisto, filosofino, skolto, historiisto sociologistino kaj instruisto.

Alia projekto estas la "faru vi mem" atelieroj, kaj metiejoj per reuzitaj materialoj.

Oni ĝustigis la kotizon laŭ la nunaj bezonoj de la Asocio.

Oni donis la liston de novaj libroj, inter ili estas: Flugi per Katatuoj de Trevor Stele, Serĉado de la Eŭropa Lingvo de Umberto Eco, Ĉu vi parolas Esperanton? de Jorge Hess (nova eldono), pli da sopenaj vortaroj, ktp.

La sinjoro Thairon Martínez kreis "intranet" servon por la laboro virtuala de la estraro, ni ja povas estrarkunveni en niaj propraj hemoj!!! per skipo kaj tiu intranet.

Oni rememoris la laborojn de nia honora membro kaj forpasinta Felix García Blásquez kaj la profesoro kaj eksprezidanto Johano Negrete.

Inter aliaj privataj aferoj kiuj estas eksklusivaj por vea-anoj

Saĝon kaj kuraĝon je la servo de la homo (ŝatata frazo de Johano Negrete)

Ricardo Coutinho

Prezidanto de Venezuela Esperanto-Asocio
n/a

Forpasis la inĝeniero Felix García Blásquez

La samideano Andrés Turrisi informis per malgranda interreta mensaĝo la forpason de la honora membro de nia landa asocio.

"Post pluraj kaj plurmanatai klopodoj, fine mi sukcesis komunikigxi kun la telefonnumero de Ingx. García. Respondis iu frauxlino nekonata, kiu informis min ke antaux unu jaro sxia familio acxetis la logxejon kie logxis gesinjoroj García. Sxi ankaux diris ke Ingx. García forpasis, kvankam ne povis aserti tion tute certe. Sxi scias nenion pri S-rino García. Mi scias ke ili ne havis familianojn en Karakas, sed S-rino Alicia ankoraux havas kuzojn en Honduraso."

La inĝ. García estis membro de nia organizaĵo ekde ĝia refondiĝo je novembro 1975 ĝs sia forpaso. Li estis la unua redaktisto de Venezuela Stelo, verkis fakan vortaron por inĝenierado, verkis ankaŭ libron pri Tratado pri vortfarado, kaj Curso Elemental y Avanzado de Esperanto.

n/a

Forpaso de la profesoro Juan Negrete

Johano Negrete (hispane Juan José Guillermo Negrete García) naskiĝis en la urbo La Laguno, Tenerife, hispana insularo, (1ª de februaro 1943). Lia patro fuĝis de Hispanujo pro la Civila Milito ĉar li estis favora al la republiko. Poste alvenis al Venezuelo la tuta familio, laŭ la leĝo, por la venezuelaniĝo de lia patro, li mem iĝis venezuelano.

Li lernis filozofion en la Centra Universitato de Venezuelo, dum sia studo li ankaŭ ludis fultbalon, sufiĉe bone por eniri al la profesia kategorio sed li decidis investí sian tempon por fini sian karieron.

Li mem lernis esperanton post sia emeritiĝo kiel profesoro de la Lernejo de Filozofio de la Centra Universitato, li konis esperanton tri foje: unue kiam li partoprenis en Kongreso pri Latinoameriko post la Vietnama Milito, li rigardis libron titolita La Monda Lingvo-Problemo. Poste dum la jaro 1992 en la urbo La Laguno li aŭskultis homojn parolante strangan lingvon kaj demandis kiu lingvo estas, fakte estis esperanton, li estis invitita al klubo kaj aĉetis lernolibron kaj vortaron. Reveninte al Karakaso li kontaktis al Venezuela Esperanto-Asocio.

Ekde tiam, li instruis esperanton en la Lernejo de Filozofio en la Centra Universitato, en la Universitato Metropolitana kaj en la Instituto Pedagogia de Karakaso kaj en la landa asocio. Kun apogo de la Instituto Pedagogia de Karakaso li kreis la bultenon Lingvo & Lingva Komunikado, ĝi estis diversotema kaj preskaŭ ĉio en la hispana, kun klarigoj de la gramatiko de esperanto kaj kelkaj novaĵoj de la esperantista movado.

Li kaj sia edzino, Silvana Messori, estis gravaj por la organizado de la Kolombia-Venezuela Rekontiĝo en Karakaso (2002), en la Instituto Pedagogia de Karakaso.

Venezuela Stelo, 93a eldono jam elŝuteblas

La redaktisto Ricardo Coutinho informas ke la eldono 93a de Venezuela Stelo jam estas elŝutebla en nia propra paĝo en la kategorio "Venezuela Esperanto-Asocio" en la esperantolingva sekcio, jen la ligilo: http://www.esperanto-venezuela.org/files/Venezuela%20Stelo%2093.pdf

Kiel vi jam scias, jam de kelkaj eldonoj nia revuo estas nur elektronika pro monmankoj, malgraŭ tiu malavantaĝo ni gajnis allogan desegnon kaj longan enhavon.

Enhavo estas:
Movadaj Noticoj
Jacinto Convit García
Kursoj pri la Lingvo Esperanto en la UCV
Agnes Waldman, denaska esperantistino
Filmo: Azul ni tan Rosa
Infanolibro: Mio, mia filo
Speciala Rekontinĝo en Nepalo
Ana Cristina Bracho (Peomoj)
Fotoraportaĵo: Laguno de Mucubají
Ganeo Arguinzones (Poemoj)

Ĝuu nian revuon!

n/a

kelkaj novaĵoj okazintaj dum la unua semestro 2014

Agnes Walman, la filino de Elek tonai, hungara esperantisto murdita de la naziismo. Ŝi partoprenis dum multaj jaroj en Venezuela Esperanto-Asocio. Dum 2004 ŝi translokiĝis al Usono por loĝi kun sia filo. Ŝi mortis je marto 2014. Ni faris etan biografion de ŝi por Venezuela Stelo, vi povus legis ĝin baldaŭ.

Venezuela Esperanto-Asocio estrarkunvenas laŭ siaj bezonoj kaj ebloj almenaŭ unu dimanĉo po monato en la oficejo. Kaj preskaŭ ĉisemajne per skajpo. Nuntempe ni plenumas kelkajn farendajn administraciajn. Ni parolos pri atingoj kiam ni konkludos la taskojn.

Kvar ge-venezuelanoj partoprenos en la Universala Kongreso de Esperanto: Isaac Santiago, librotenisto, Andrea Araque de Santiago, administristino, Lenin Ramírez, komputilteknikisto, Ricardo Coutinho, prezidanto de Venezuela Esperanto-Asocio.

Venezuela Stelo atendas respondon de nia grafikisto Ramón Morales por ekkomenci la 93a eldono de Venezuela Stelo.

Thairon Martínez, sekretario de VEA, kontrolas la aferojn de la oficejo.

Andrés Turrisi donis al VEA kelkajn tradukojn eldoneblajn de verkoj de Julio Garmendia.

Ricardo Coutinho

Prezidanto de Venezuela Esperanto-Asocio
n/a

Abonrilata enhavo